Benvidos á web do Mestrado Universitario en Nutrición pola Universidade de Vigo.

A nutrición e todos os aspectos relacionados que inclúen a patoloxía por alteracións metabólicas máis frecuentes, é unha da áreas da biomedicina que experimentou un maior avance nos últimos anos, e unha das que presenta un lugar de traballo máis atractivo, tanto desde o punto de vista da investigación como da clínica. Os continuos avances tecnolóxicos e a elevada prevalencia de determinadas enfermidades endocrino-metabólicas (como a diabetes, a obesidade, enfermidades cardiovasculares, hipertensión, etc.) determinan a necesidade de contar con profesionais cada vez mellor formados no seu ámbito para poder dar unha axeitada resposta aos problemas socio-sanitarios que se presentan, pero tamén cunha sólida formación académica que lles permita adaptarse aos continuos avances científicos e tecnolóxicos.

O Mestrado en Nutrición da Universidade de Vigo deseñouse para proporcionar unha titulación orientada a:

• A Formación específica en nutrición para a saúde, colectividades e deporte.
• A Formación xeral en nutrición en patoloxía e institucións sanitarias.
• A Formación en investigación en nutrición e que permita o posterior desenvolvemento do Programa de Doutoramento en Endocrinoloxía.